PROGRAMA ELECTORAL. Cambiemos Noreña ente toos y toes

• PROGRAMA N'ASTURIANU: Descarga l'archivu PDF

• PROGRAMA EN CASTELLANO: Descarga el archivo PDF
  
  
  

Presentación del programa electoral (vienres 8)

El programa electoral, compuestu de 100 midíes pa cambiar Noreña ente toos y toes, presentar nun actu públicu a les 21:00 hores na Casa d'Alcuentros (C/ Condáu de Noreña, 5) d'esti vienres día 8.

L'agrupación d'electores Conceyu Abiertu por Noreña presenta'l so programa electoral que s'ellaboró de forma participativa pa lo cual cuntó con toles asociaciones y colectivos de Noreña y con gran cantidá de persones, alredor de doscientes, que coles sos propuestes arriquecieron un programa pa gobernar Noreña ente toos y toes.

Pal so espardimientu, Conceyu Abiertu por Noreña publicó 1500 exemplares del so programa en formatu revista con 16 páxines, n'asturianu y en castellán, na que s'inclúin les 100 propuestes más relevantes. Trátase de les llínees básiques de l'actuación a desenvolver pa camudar Noreña ente toos y toes. La revista va empezar a repartise na presentación.

El programa electoral de Conceyu Abiertu por Noreña, que se presenta esti vienres 8 de mayu na Casa d'Alcuentros (c/El Condao de Noreña, 5), xira alredor d'unos puntos xenerales, que podríen resumise de la siguiente manera:

• Consiguir una democracia participativa real en Noreña y escastar los privilexos de la clase política tradicional, poniendo al serviciu del pueblu la representación institucional que se llogre.
• Tresformación social hacia una sociedá xusta, sostenible y non discriminatoria, col Pueblu Trabayador como protagonista, priorizando la xestión presupuestaria basándose en criterios de rentabilidá social y ambiental (meyora de les condiciones de vida de les persones: salú, asistencia, ambiente, educación,…)
• Promover soluciones a la necesidá de trabayu y vivienda dignos. Velar por garantizar una vida digna a toles persones y llindar na midida de lo posible les inxusticies derivaes del sistema capitalista y patriarcal promocionando'l respetu real a los derechos humanos.
• Dinamizar Noreña pa consiguir un pueblu vivu, responsable y comprometíu col so futuru como tal y defender y poner en valor el patrimoniu cultural, natural y social.

“CAMBIEMOS NOREÑA ENTE TOOS Y TOES”

EN CASTELLANO: 

Candidatura presentada na Xunta Ellectoral

La llista ellectoral completa de Conceyu Abiertu por Noreña presentada énte la Xunta Ellectoral pa concurrir a les elleiciones del 24 de mayu ye la siguinete:

1. Pablo Pérez Fonseca

2. Antonio Martínez Fernández

3. Mariu Arbesú Iglesias

4. Maria Antonia Fernández Tascón

5. Yanira García Carvajal

6. Hugo Córdoba Fernández

7. Pedro González Gonzalo

8. Rocío Colunga Bermejo

9. Fernando Molleda Acebo

10. Laura Prida Carbajal

11. Ilemí Cuesta Mier

12. Moisés Ramón Cuesta García

13. Estefanía Ferreras García

Suplentes:

14. Iván Norniella Villena

15. Marino Villa Valdés

16. Bruno Gómez Jiménez

17. Cecilia Solís Díaz

18. María Elena López Alonso

19. Daniel Blanco Puerta

20. Gema Fernández Izquierdo

21. Evangelina Fonseca Blanco

22. Pedro Palacio Suárez

23. Jesús Rodríguez Muñecas

Pero pese acutar los 23 puestos que nos permite la llei, hai muncha más xente que forma parte de Conceyu Abiertu por Noreña. Tan los que quedaron fuera de la llista; les que acuden, acudieron y/o acudirán a los nuesos conceyos abiertos horizontales y selmanales; los que mos ficieron llegar les sos propuestes; les que rellenaron les nueses encuestes; la xente de les asociaciones, clubes y asamblees coles qu'aconceyamos; les que mos entruguen pela cai; los que nun entienden el derroche de perres en protocolu; les que quieren una democracia participativa onde tou ciudadanu/a tenga voz y non personalista; los que busquen una sociedá sostenible, xusta y non discriminatoria; les que respeten los drechos humanos en toles sos estayes; los que quieren trabayos dignos; les que quieren una Noreña viva, responsable y comprometía; los que nun quieren depender de Madrid o Uviéu ...

Siguimos construyendo un pueblu ente toos y toes, ¡participa nos conceyos abiertos! 

EN CASTELLANO:

Pablo Pérez candidatu a l'alcaldía de Noreña

Esti domingu pasáu presentemos nel Parque del Ayuntamientu la nuestra candidatura a les prósimes elleiciones del 24 de mayu.

NOTA DE PRENSA ASTURIANU /CASTELLANO

UN PUEBLU ENTE TOOS Y TOES. Ellaboración del programa

El procesu abiertu y participativu entró na fase d'ellaboración del Programa ellectoral cola celebración d'un primer conceyu abiertu el sábadu pasáu.  Esti sábadu que vien, día 28, cellébrase un segundu conceyu pa siguir cola llabor. Esperámoste na Casa d'lacuentros de la muyer.

Continua'l procesu "Un Pueblu ente toos y toes" cola elleboración del programa

El procesu abiertu y participativu entra en la fase de construcción del Programa electoral con la celebración de un primer conceyu abiertu el sábadu 21.

NOTA PRENSA ASTURIANU/CASTELLANO

Reafirmamos la nuestra desconfianza sobre IPÑ

Vistes les informaciones d'Independientes por Noreña (IPÑ) refiriéndose a nosotros y falando de "buena sintonía" o "coordinación entre las dos agrupaciones" espresamos como va 11 meses,  que la nuestra desconfianza na formación independientes por Noreña ye absoluta.

El Comercio publicaba el 8 de marzu la siguiente noticia, tres la cual vémonos obligaos a espresar la nuesa opinión al traviés de un comunicáu remitíu a esti mediu.

NOTA PRENSA ASTURIANU /CASTELLANO:

UN PUEBLU ENTE TOOS Y TOES: Conceyu abiertu el día 21 (12:00 h)

Sigue avanzando'l procesu participativu "Un Pueblu ente toos y toes" cola cellebración d'un nuevu conceyu abiertu pa facer una puesta en común de les idées recoyíes d'ente les encuestes a vecinos y vecines y aconceyamientos con asociaciones, desenrrollando asina la segunda fase del procesu. 

L'asamblea va tener llugar na Casa d'Alcuentros de la Muyer a les 12:00h y tan convidaes toles persones interesaes en constriyir una Noreña ente toos y toes.

Pidimos esplicaciones sobre la manipulación de residuos d'altu riestu de toxicidá n'instalaciones municipales

El pasáu 5 de febreru presentemos formalmente pel Rexistru Municipal un escritu solicitando una esplicación sobre'l protocolo siguíu  pa la retirada y manipulación de  residuos d’altu riesgu de toxicidá nuna instalación municipal y les actuaciones del Ayuntamientu nesti asuntu. 

Trátase de los escombros d'uralita (fibres d'amientu) de la grada del campu fútbol que sofrió destrozos mientres los trabayos nos árboles del Paséu Pepe Sará. Como se pue ver nes fotos los restos de la grada fueron retiraos y acumulaos nun llateral ensin que se conoza quién lo fizo nin si se siguieron l'estrictu protocolu qu'esixe la manipulación d'esti tipu de residuos pelligrosos. Pa más inri, esta "escombrera tóxica" creada va pa 15 díes incumple dafechu cola normativa. Too ello, n'instalaciones públiques municipales...

La falta de rempuesta y esplicaciones, pese a la repercusión de la nuesa petición en prensa (La Nueva España, El Comercio, El Nora, InfoNoreña,..),  y viendo  la situación actual, fainmos pensar no peor y estudiamos tomar les midides necesaries ente la gravedá de la situación tanto a nivel ecolóxicu como a nivel de riesgos llaborales. De toes formes, na prósima Comisión Municial del ramu y nel prósimu Plenu Municipal llevaremos est asuntu.

L'ecritu billingüe asturianu /castellano presentáu nel Ayuntamientu'l 5-2-2015 y que tovía nun tuvo denguna rempuesta ye'l siguiente:

UN PUEBLU ENTE TOOS Y TOES: Conceyu abiertu el sábadu 31 (12:00h)

Sigue avanzando'l procesu participativu "Un Pueblu ente toos y toes" cola cellebración d'un nuevu conceyu abiertu pa facer una primer puesta en común de les idées recoyíes ente los vecinos y vecines y siguir desenrrollando la segunda fase del procesu. La asamblea va tener llugar na Casa d'Alcuentros de la Muyer a les 12:00h y tan convidaes toles persones interesaes en constriyir una Noreña ente toos y toes.

Segunda fase del procesu "Un pueblu ente toos y toes"

Nota de Prensa Asturianu / Castellano